首屆國際足協東盟盃決賽星期六於大球場舉行，香港隊於逾三萬球迷狂熱吶喊下，最後以2：0擊敗柬埔寨，成功捧走冠軍盃同30萬美金獎金，寫下本港足球新歷史。呢場體壇盛事更吸引唔少圈中藝人到場支持，其中熱愛體育運動嘅 劉倬昕 更同球迷一切為港隊搖旗納喊，見證奪冠一刻，心情非常激動。
除咗一眾熱血球迷，Liza姐 汪明荃 更身穿港隊「1號」專屬球衣，祝賀港隊報捷，大讚球員表現出色。
Liza姐唔止力撐本地體壇，隨後更現身劇院，支持由 林日曦 自編自導自演、影后 毛舜筠 主演嘅舞台劇《大死撐日》。仲遇上一齊捧場嘅 俞琤 蔡少芬 同 容祖兒。
今次更係毛姐入行多年來首次挑戰舞台劇演出，對佢意義重大。Liza姐完騷後更大讚毛姐呢次初登話劇舞台，但台風穩健、演技精湛，展現出極高功力；同時又非常欣賞鬼才林日曦嘅驚人創意同編導才華，指作品笑中有淚、劇本極具心思。
