魔音女團MYNT成員 宋宛穎 莊子璇 倪嘉雯 倪樂琳 喬美莎 盧映彤 聯同 何廣沛 主持嘅全嘅節目《玩轉澳門勁滿Fun》，將帶觀眾遊走澳門大街小巷探店，帶觀眾深入了解老店同工藝，當然唔少得介紹玩樂吃喝食好西去處啦。
Sabrina呢日公開拍攝花絮同觀眾分享，身為中葡混血兒又喺澳門出生嘅Sabrina，返到自己地頭格外親切同興奮，喺拍攝期間不時都玩吓街拍滲透仙氣，又同隊友四圍食盡唔同美食，魔音女團喺節目中仲會一齊著上旗袍展現東方女性魅力。
除咗食同玩之外，佢哋之前已經挑戰過飛越高空索道，親身體驗呢份刺激感，而今個星期播出嘅一集，何廣沛同魔音女團又會接受另一刺激任務，登上極具特色嘅高空觀景餐廳，喺50公尺半空開餐。經過之前嘅體驗，相信佢哋嘅膽量已經有所壯大。
Sabrina亦上載多張佢哋喺高空開餐嘅照片，又留言話：「聽說我要變喊包？不信！才沒有。」來大賣關子，想知道佢哋真實嘅反應點就要留意節目喇。
《玩轉澳門勁滿Fun》今晚 21:30 翡翠台