梁洛施 與內地導演兼演員男友 馬浴柯 公開戀情後，兩口子經常不避嫌恩愛現身公開活動，近日佢哋一齊為定情之作嘅電影進行密集式宣傳，喺內地多個地方同觀眾見面。Isabella同馬浴柯兩人頻頻放閃，又一齊分享回味拍攝細節，好多網民都大讚佢哋般配又合拍，係個完美組合，見到Isabella臉上流露幸福嘅笑容，都戥佢搵到真愛開心。
近日Isabella同馬浴柯以及團隊馬不停蹄宣傳期間，Isabella除咗會上載自己嘅靚相之外，日前出發往武漢宣傳時都不忘同男友放閃，上載咗一張同馬浴柯一齊開餐嘅照片同大家分享，兩口子同樣流露住由衷嘅幸福表情。
現年38歲嘅Isabella，與富商李澤楷誕下3子後，兩人喺2011年宣布分手，之後Isabella專心湊仔至近年先全面復出娛樂圈工作，後與馬浴柯合作而擦出火花，兩人高調認愛，享受甜蜜生活。
