陳潔靈 鍾鎮濤 鄺美雲 林智樂 許靖韻 等現身國慶文藝晚會，分別上台獻唱氣氛熱鬧，尤其Elisa演繹金曲《白金升降機》時，全場都非常投入。
Elisa早前同葉麗儀一齊開騷，更邀請到 陳奕迅 做嘉賓，兩人喺台上擦出不一樣嘅火花，唔單只令觀眾好回味，就連Elisa都一樣記掛同Eason合唱嘅場面，Eason更視Elisa為佢嘅超級偶像，Elisa笑言：「我唔知道，我只知我係佢Fans，我同佢講我聽到你把聲已經愛上咗你，一生人唔同你唱一首歌會有遺憾。」
Elisa又大讚Eason好sweet，當晚有備而嚟仲送上雪梨俾佢潤喉。講到兩人有冇機會開騷？Elisa謙虛表示Eason自己已經好多歌，諗都唔好諗呢個狂想，可以合唱已經好開心。
劉鍚明呢晚帶同23歲女兒 劉安晴 現身，講到阿女正式入行加入娛樂圈發展，劉鍚明話自己冇咩傳授俾阿女，覺得父母教阿女未必聽，都係等老師去指導佢，日後希望父女檔上陣。另外，鍾鎮濤同鄺美雲壓軸合唱《我哋一家人》，B哥哥話稍後要到台灣拍戲，暫時要放低唱歌一輪，為咗新角色佢正在留長頭髮仲要加啲蒼白，笑言佷做一個老嘅瀟灑哥。
