梁詠琪 即將展開入行30周年演唱會，呢日更喺《一周星星》同 許文軒 分享感受，呢日仲將一段30年前嘅聲帶出土分享，係當年Gigi親自為歌迷錄製，難怪呢日佢自己都聽得津津有味呀。原來當年只係錄製咗100盒卡式帶，而當中《絕戀》更係早於Gigi首張專輯《愛自己》。
而 林志美 更係為Gigi處女作唱Demo同負責幕後工作，令呢位新人有所參考，而當年成績突出亦令Gigi音樂發展奠定基礎。回憶當年首次踏入錄音室，Gigi就指被監製們「折磨」，令佢印象非常深刻。
Gigi亦解釋自己嘅假音緣於讀書時期合唱團嘅訓練，到後來加入樂壇亦一直沿用。
《一周星星》星期日晚 21:35 翡翠台