《女神配對計劃2》各位求愛勇者正式展開佢哋嘅攻勢，星期日播出嘅一集，大家雖然以玩遊戲方式接近心儀女神，不過當中就可見唔少勇者都奮不顧身，其中 吳旭東 更不惜一切飛撲爭櫈仔，之後又霸氣以胸肌為 阮嘉敏 暖手，冧到Mandy面都紅晒呀。
至於來港力求挽回 郭珮文 心意嘅Ice，就以深刻了解輕易勝出，不過Juliana亦公開當時分手嘅原因，係因為自己以結婚為前提交往，不過因為唔肯定對方對未來係咪有相同目標，更直指Ice性格為人無可挑剔，最後無奈分手。
至於Ice就斬釘截鐵回應，話心中連住邊同要幾多小朋友都早已有計劃，真係自信十足咁呀。
而 吳兆麟 亦輕鬆勝出遊戲而有機會同 陳若思 增加相處時光，佢嘅表現亦令Amber相當滿意。俞可程 亦對幾位求愛勇者表現讚嘆，而 何沛珈 亦非常滿意Mark答中全部問題，不過傾偈時就狂踩地雷要倒扣分數喇。
《女神配對計劃2》星期日晚 20:30 翡翠台