肥媽Maria Cordero、黑妹李麗霞、車婉婉同中聲家族成員，呢日夾計搞咗一個神秘黑超派對，驚喜賀周吉佩（吉吉）40歲生日，準備手拋彩帶同禮炮等迎接壽星，今次呢個生日會係吉嫂黃彥欣窩心安排。
肥媽問吉吉係咪好開心，吉吉笑稱有啲嚇親，隨後肥媽同黑妹姐向壽星送生日利是，吉吉話好多搞生日派對係咁多人一齊聚，以往都係簡單度過，婉婉笑問吉吉有冇發現呢兩個月嘅人緣好差，完全冇人搵，婉婉話怕搵吉吉會忍唔住漏咗口風。
肥媽同黑妹姐當日行程排滿，仍第一時間嚟等壽星吉吉出現，雖然肥媽同黑妹要跑幾場慶祝活動，二人卻一直視中聲家族成員係自己嘅仔女，盡量抽時間出席活動。顏米羔嚟緊同吉吉合作開班授徒，教人喺台上點去演繹自己，要表達到當刻情緒，希望有啲火花。
