熱播劇《死有對証》中嘅 阮浩棕 為追訪男星Juicy車震新聞而近距以身犯險，期間更因被發現而揸電單車逃走，途中更發生意外。早前拍攝呢幕戲份時，唔識揸電單車嘅Nic，就要拜託替身上陣代佢出演行駛戲喇。
炒車一刻由佢親身上陣，阿Nic就指呢一場Easy Job，過往亦曾經歷唔少動作戲份，不過要扮揸電單車就要先請教同事先似模似樣喇。至於佢同報館同事 吳若希 嘅關係會點進展，阿Nic把口就似足唔可以漏料嘅記者一樣，鬼咁神秘，仲話同Jinny之間會發展一段特別劇情，更係佢未曾演過嘅內容嚟呀。
《死有對証》星期一至五晚 20:30 翡翠台