鍾麗淇 早前突傳出因健問題需留醫深切治療部，病情令外界非常擔心。而早年曾同Margaret拍拖嘅 梁榮忠 呢日現身一個微電影宣傳活動時，亦被問到舊愛情況，佢指自己都係由傳媒報道中得知消息，希望Margaret盡快回復健康。
佢又話已經好一段時間未有同Margaret聯絡，所以未知其中細節，亦相信大家俾空間佢休息同復原。
已轉型主攻網上頻道分享動漫主題嘅佢，亦曾被觀眾提議分享過往娛樂圈故事，不過就被佢拒絕，梁榮忠就指過去嘅已慢慢淡忘，不過自己就無興趣向呢個方向發展，更指自己對娛樂圈中事已無甚興趣喇。
呢日同場出現嘅 張子丰 早前宣佈同 王菲 定婚，而未婚妻近日於熱播劇有親熱場面，佢就大派定心丸指明白演員工作，亦非常支持對方發展，但同時心情又會囉囉攣，仲會自動避免收睇呀。
吳業坤 就會參演其中一部作品，仲話今次角色高冷、靚仔、霸道又變態，聽到都覺得立體又複雜，雖然擔心不過就相信導演會塑造自己成為劇本中嘅角色，亦滿足自己挑戰唔同角色嘅快感咁話。
