TVB經典穿越喜劇《超時空男臣》於2017年播出時大受觀眾歡迎，當年以一個開放式結局，讓觀眾又愛又恨，唔少劇迷一直敲碗期待續集，明年就係該劇播出十周年，如今相隔9年，「明朝三兄弟」蕭正楠、曹永廉及何廣沛再度合體，呢三位靈魂人物目前忙於為拍續集。
myTV SUPER重溫《超時空男臣》爆笑穿越之旅
有網民近日喺西貢偶遇劇組，相中見身穿深藍色西裝嘅阿廉，手上拎住一本寫着《超時空男臣貳》嘅劇本，跟身旁嘅廣沛同阿蕭埋位前認真對戲。
另一張相就見戴祖儀為此劇開工，與男演員們有唔少對手戲 ，估計係擔任續集女角之一，戴祖儀真係劇接劇，剛拍完《驅魔速遞》就無縫進另一劇組，而早前有傳陳瀅會加入新陣容。
