郭柏姸 近年事業運強勁，唔只喺戲劇角色擺脫乖乖女形象，喺《夫妻的博弈》成功以令人又愛又恨嘅渣女一角令觀眾眼前一亮，而《飛常日誌2》中嘅機師方可兒就型格颯醒。除咗喺戲劇有突破，佢仲發展個人時裝品牌，成功成為多棲藝人。
Rosita喺10月5號踏入29歲生日，佢喺社交平台分享多張慶生靚相，相中可見Rosita手捧鮮花，而佢拎住嘅唔係蛋糕，而係插上花型愛心生日牌嘅蜜瓜，而配文非常簡單，只寫有「It’s my 29」。佘詩曼、羅毓儀、陳煒、陳懿德等多位藝人都有留言送上祝福。
而喺生日隔日，Rosita就分享一段喺泰國拍攝，喺日落下嘅遊船河嘅短片，更貼心為大家整理好最佳拍攝黃金時段呀！
