周吉佩 （吉吉）與羅啟豪（Ramon）呢日出席慈善活動，身體力行落台義賣獎券，獲大批歌迷支持，二人以歌聲答謝歌迷嘅愛心。
吉吉面對踏入四字頭，換嚟一個心理關口，加上試過喺街見頭暈，持續咗一個月，開始擔心自己身體狀況，睇咗眼科同腦科，暫時係冇事，診斷係咪有心理壓力，吉吉反思係咪因歲數，令自己諗多咗，而家食藥等自己瞓得好啲、個人放鬆少少。
Ramon下個月遠赴加拿大擔任華姐嘉賓，此行除咗工作之外，順道重遊成長地，趁機好好休息吓，Ramon之前去過多倫多、溫哥華演出，佢話細個喺多倫多住咗3年，一家人每年都返加國探親，今年佢計劃喺演出前3日，早幾日去多倫多探親同旅遊。
