譚嘉儀 今年8月宣布圈外男友定婚嘅好消息，中秋節亦於網上同大家分享豪華過大禮儀式。而完成過大禮後，嘉儀就同未婚夫飛到意大利水鄉威尼斯，拍攝充滿浪漫唯美風格嘅婚紗照，一對準新人一身盛裝，就如童話中嘅王子公主一樣，嘉儀身穿嘅低胸婚紗亦非常吸引，設計完全襯托出佢嘅好身材！
嘉儀又深情向另一半表白：「Take my hand, take my whole life, too. For I can’t help falling in love with you.」流露出對兩人未來展開新生活嘅期盼，以及對未婚夫嘅愛意。而呢輯相中，其中一張係嘉儀被未婚夫深情親吻臉龐，隔住個Mon都感受到放閃程度爆燈，以及佢哋嘅恩愛甜蜜，多位圈中人亦紛紛師一對準新人留言送上祝福。
