衛蘭Janice 三場嘅世界巡迴演唱會香港站，將於下月於紅館舉行，門票將於8號公開發售，而優先預購門票早前已火速售罄。
而為個唱預熱，衛蘭亦特別現身灣仔海旁，為樂隊The Flame嘅Busking擔任特別嘉賓。喺維港夜景與海風相伴下，與樂隊主音張潔瑩 (Kit) 合唱《心亂如麻》、《大哥》及《就算世界無童話》多首金曲，吸引數百名樂迷及路人圍觀駐足。
是次紅館演唱會，除咗慶祝衛蘭出道20週年呢個重要嘅里程碑外，更係佢首度以「獨立音樂人」姿態登上紅館嘅個唱。而呢次香港站演唱會，更會由原先嘅三面台升級至四面台製作，配合全新歌曲編排與專屬視覺燈光效果。
