息影30年嘅 姚正菁 近日宣布全面復出娛樂圈，年堅57歲嘅佢狀態依然，呢日佢就嚟到電視城作客《流行都市》分享近況。
姚正菁指自己喺化妝間補妝時，見到有位着住古裝嘅女演員，即佢勾起當年拍劇嘅回憶。至於問到佢會唔會想再拍返劇？姚正菁就話如果有機會自己都好想拍劇，佢仲話以佢而家呢個年紀，戲路應該更加廣，演媽媽、Auntie甚至嫲嫲都冇問題。
myTV SUPER重溫《流行都市》精彩內容
今次復出姚正菁主打唱歌係做樂壇新人，好多嘢對佢嚟講好新鮮，佢仲自己作曲填詞，而家就為新歌填緊詞，歌詞相當勵志，想鼓勵大家呢個年輕都可以有自己嘅夢想。姚正菁又指因為自己係樂壇新人，要避開樂壇金曲嘅高峰期，所以新歌可能要11月或12月頭先面世，佢仲話兩個女都好鼓勵自己去追夢。
復出無幾耐，姚正菁就已經有幸到米蘭參與時裝騷，踏上國際舞台嘅天橋，不過佢就對自己呢次表現唔多滿意，仲話自己鬧出大烏龍，因為綵排時個舞台只得50米，但點知正式行騷有150米，自己只係行咗一半，令佢感到相當可惜。