劉德華將於年底舉行跨年紅館演唱會，凡事追求完美嘅華仔，雖然距離開騷仲有兩個幾月，不過佢已經密鑼緊鼓為演唱會綵排。
華仔今次嘅紅館演唱會，採用公開抽籤形式發售門票，中籤嘅觀眾可以喺指定時間內登入系統認購門票。經過早前網上登記，再經電腦系統隨機抽籤形式分配後，中籤者將會按中籤優先次序為成兩批，並於10月8日中午起公布首批抽籤結果。
首批中籤者可以於10月13日上午10時至下午8時於網上購票，每名中籤者最多可購買2張門票。而第二批中籤者會於10月14日收到通知，並於10月16日起以先到先得形式於網上購票，直至售完即止。
