蕭正楠 、 黃翠如 呢對恩愛夫妻最近齊齊忙於拍劇，但一個喺香港、一個喺馬來西亞，需要暫時小別一段時間。不過二人嘅馬來西亞好友近日喺南京開店，佢哋就為咗呢位朋友特別抽時間去到當地捧場，「小別勝新婚」嘅兩位仲把握呢短短10個鐘嘅相聚時間嚟個快閃約會。
翠如喺社交平台分享多張合照，當中不乏同阿蕭嘅浪漫拍拖相，二人齊齊著上白色服裝，又拎住玫瑰花背靠背擺Pose，舉手投足都好有默契，仲襯到絕一絕。翠如喺文中除咗透露義好友嘅支持，亦同老公隔空約定：「這樣吧，當我和你分別拍完劇，再約在南京，不再只是逗留10小時，而是好好品嚐每一杯咖啡，還有每一份友誼。」最後更為阿蕭、自己以及朋友打氣，約定下次再見。
呢輯相更得到唔少網民留言稱讚，大家都覺得兩位好似影婚紗相一樣，仲有粉絲鬼馬留言：「想看哈哈也在婚紗照裡面 🤭 搞錯了，原來是在拍攝啊？」
