熱播劇《死有對証》將於今晚（9號）八點半喺翡翠台播出大結局，觀眾都好想知道究竟吳若希飾演嘅單佩嘉點死？另外阮浩棕飾演嘅詹柏宇，又係咪真係殺死異父異母嘅哥哥，由譚坤倫飾演嘅甘世宏？
喺一眾謎題等待對証揭曉時，相信觀眾都好想知道 陳曉華 飾演嘅程芷昕同 馬貫東 飾演嘅高俊，又可唔可以有情人開花結果呢？
劇中演員們嘅表演都獲觀眾一致好評，大家除咗喺官方活動落力宣傳之外，亦都花盡心思呼籲大家收看。程醫生Hera就暫時放低劇中嘅圓框眼鏡同醫生袍，換上清爽長腿女神造型，化身人肉流動廣告，拎住劇集宣傳紙牌喺中西區西半山遊走。唔少途人同小巴乘客即時發現女神嘅蹤影，而Hera亦高舉紙牌作出呼籲，即使係陽光猛烈同不停喺半山遊走，但係Hera都非常享受，因為自己嘅作品得到認同與好口碑，就乜都值得。