《中年好聲音4》演唱會進入最後倒數，10強選手近日都忙於綵排，可能係少咗比賽嘅壓力，大家唱歌明顯放鬆唔少，一路唱一路玩，完全冇緊張氣氛。鄭仲豪話好耐冇同大家一齊同台唱歌，加上又冇參賽嘅壓力，可以盡情玩，吳亦偉同其他唱將亦應同講法。
10強當中有人曾經合唱，亦有人未曾合作過，佢哋就預告今次有啲組合一定可以帶俾大家新鮮感，鄭家聲就話組合配對係大家未必諗得到，佢都預告冇諗過會同一位唱將合作，仲要唱嗰首歌，令觀眾非常期待。
重溫《中聲4》激烈比賽過程
開騷在即，有人要跳舞積極，亦有人努力做身材管理，啱啱返完蘇格蘭嘅許美琪就好努力修身，佢話自己經已喺 當地日日節食，加上老公又不停提佢要修身。另外，許雲妮話最難係保持皮膚好，因為工作忙令休息時間唔夠，同時又要保持靚樣兼長時間化妝，呢一切事宜都要學習。至於蔡宓婕一直都唔想感冒，點知人算不如天算，比兒子傳染咗，不過安慰自己話騷前病好過開騷時病。
曾經參與中聲4海選嘅鄔友正，呢日同太太翁嘉穗都有來探班，佢話好開心有機會可以做嘉賓，喺演唱會上大騷苦練嘅歌藝，鄔友正仲讚成班唱將唱功大有進步，而翁嘉穗話一直都好支持大家。