死有對証丨吳若希享受伏屍草地 稱與韋家雄對手戲相當沉默

熱播劇《死有對証》將於9號晚播出大結局，而今晚（8號）播出嘅劇情亦趨更加緊湊，飾演單佩嘉嘅 吳若希 明明約咗男友詹柏宇即係 阮浩棕 見面，點知就無啦啦被謀殺，伏屍喺草地上，扮演死屍嘅Jinny百無禁忌，拍攝時仲好享受躺臥喺草地上，連飾演高俊嘅 馬貫東 都好似好羨慕Jinny咁享受。

平日愛搞笑嘅韋家雄，見到Jinny化咗個死屍妝容時，就講笑話佢個妝同平時個妝差唔多，連Jinny都開自己玩笑，話自己化白臉妝幾好睇，可以去日本化藝伎妝。myTV SUPER一齊拆解亡命真相


想知道邊個對單佩嘉下毒手就要留意大結局揭盅，可以肯定嘅就係幾位對手合作時充滿歡樂，Jinny話25集劇情，自己去到第24集先同韋家雄交手，不過佢哋嘅對手戲好安靜沉默，因為佢已經死咗，要等韋家雄飾演嘅資深法醫林琛喺案發現場為佢驗屍。