馮允謙 同 黃淑蔓 呢日以代言人身份出席活動，Jay日前先啱啱喺巴黎做完嘢返港，估唔到呢一次巴黎之行，令佢有意外收穫。
Jay話自己近年愛上抽卡，佢指自己每次出trip都會到唔同卡舖睇吓，今次佢就喺巴黎抽到自己好鍾意嘅NBA球星嘅限量金色簽名卡，Jay話抽中嗰刻自己開心到癲咗。唔少人因為沉迷抽卡遊戲而同另一半起爭執，不過Jay就話每次買卡都會同另一半坦白，仲話自己限定每個月只可以買一次，相當節制。
早前因為同林子峰Stone 睇騷而傳緋聞嘅 黃淑蔓 ，就話唔多回應緋聞一事，希望大家畀多啲空間，注意佢哋嘅工作，佢又指Stone被影到冇拉褲鏈一幕，自己都睇到有人Tag佢，笑言呼籲大家多啲留意身邊朋友嘅儀容呀。
