TVB劇集《死有對証》結局充滿人性啟發，而劇集推出以嚟飾演程芷昕嘅陳曉華（Hera），演活一位由初哥去到熟手嘅法醫角色，同韋家雄呢對師徒CP大受歡迎，兩人角色每集面對生死課題。
myTV SUPER一齊拆解亡命真相
程醫生隨住《死有對証》落幕同觀眾別離，Hera喺結局播出後發文分享內心感受，多謝角色帶俾佢嘅一切，令佢有所體會「生死之外無大事 」願大家遇到甚麼困難都會想起《死有對証》，每一集都有死亡。
Hera指死亡與離別係夾雜複雜情緒連帶好多結果，面對嗰陣好難過，或許一時三刻無法處理，要喺有限時間好好珍惜、好好面對，將來先唔會終身抱憾，勸勉人人都要好好珍惜一切「理所當然」。
Hera又配上多張拍攝劇集花絮相，有同韋家雄嘅互動，有笑得非常燦爛，亦有攰到恰眼瞓嘅情景嚟為自己作結，好多網民讚Hera今次嘅表現，仲覺得佢瞓覺個樣好可愛添。Hera長文抒發情感向觀眾道別後，還謙虛話：「曉華不善表達，但這些情，一直都在心中。」
Hera雖然呢套劇告別觀眾，但喺12號播出嘅《璀璨之城》中，亦會見到Hera另一個角色，佢日前喺宣傳活動上已經預告有破格演出，叫觀眾同粉絲唔好錯過。
