前「跳水皇后」郭晶晶雖然已經退役多年，但不時參與公益活動及繼續致力體育界，對體壇及社會有所貢獻，日前郭晶晶獲嶺南大學頒授榮譽院士銜。
老公霍啟剛全程陪伴老婆，喺台下默默支持並曬出多張照片，相中見晶晶同另外四位榮譽院士一齊合照，啟剛有感而發表示：「喺台下見到佢接過證書嗰一刻，特別感到驕傲。」
啟剛大力讚揚晶晶多年嚟一直默默耕耘，退役後心繫體育事業發展，不斷用自己嘅影響力回饋體育界、回饋社會。用數十年如一日嘅自律、堅毅同付出，贏得今日呢份實至名歸嘅榮譽同肯定，並表示未來二人會繼續攜手，為國家同香港貢獻更多力量！
晶晶雖然嫁入豪門，已經係三孩之母，不過佢嘅教育方式及個人生活都好貼地，湊住小朋友過住簡單生活，以身敎為主，不少巿民有目共睹，大讚晶晶係豪門好新抱。
