陳芷盈中箭兼掛鍵盤造型上陣 新歌憶述參加《中聲》慘遭抨擊

陳芷盈以一身中箭加上鍵盤掛身嘅造型上陣，喺影樓為自己嘅全新專輯，同埋11月舉行嘅演唱會影造型相，芷盈一身嘅裝束主題叫做「硬朗天使」，係佢同設計師一同創作，希望帶出歌曲意思。

陳芷盈喺參加中聲比賽時，遭受外界抨擊而唔開心受到傷害，自己透過信仰走出不快，以及反映當時內心世界，帶出一份同理心。

芷盈呢段時間經已密鑼緊鼓為演唱會籌備，除咗精心挑選歌單又要投入綵排，仲可能會有新作品推出。至於嘉賓方面，芷盈話一定會有，但就要賣吓關子先，屆時仲會見到同平時不一樣嘅芷盈。