孫慧雪愛犬離世向兩子灌輸生死課題 BabyJohn修讀心理輔導課程學以致用

孫慧雪早前飼養多年嘅愛犬離世令佢好傷心，呢日佢同蔡瀚億一齊出席活動時，見佢心情平伏好多，阿雪話因為平日晚上愛犬會陪伴身邊工作，現時好唔習慣。

阿雪指兩個小孩面對生死亦未太了解，細仔會追問點解狗狗唔見咗，反而大仔就知道媽咪好傷心，阿雪有趁呢個機會教育小朋友生死課題。

除咗生死，阿雪亦好關心小朋友情緒問題，加上早前開學見到好多唔開心嘅新聞，佢希望父母可以多啲關注小朋友說話，打開心扉聆聽佢哋心事。另外，BabyJohn早前修讀咗個心理輔導課程，可以增值自己，又可以學以致用。