綾瀨遙新戲復古造型扮演律師 工作之餘研究創意料理

日本女星綾瀨遙呢日同拍檔初夏優香、鈴鹿央士、松本穗香等齊齊宣傳佢哋主演嘅法律題材新戲，新戲背景設定係80至90年代，幾位演員嘅造型都帶有復古味。

飾演律師嘅綾瀨遙開拍前特登親身拜訪兩位律師，令自己更加投入角色。綾瀨遙話自己問咗對方點解要做律師，對社會嘅不公平有咩睇法等問題，兩位律師嘅分享令佢覺得律師呢個職業真係好有型。

綾瀨遙呢日喺活動上自爆近排生活上有新嘗試，就同工作無關，而係研究食材嘅新變化，佢話自己將糯米混合麻婆豆腐一齊食，結果出乎意料咁美味。