朴珍榮金裕貞合作新劇火花十足 化身翻譯官角色苦練外語

由朴珍榮同金裕貞主演嘅新劇《百日謊言》，開播前已經引起唔少討論，因為兩位主角顏值同演技都在線，對於靚仔靚女談情說愛嘅場口，大批粉絲相當期待，連珍榮自己都唔例外，佢話劇中演員全部都係自己好期待合作嘅對象，自己睇完劇本已經急不及待想開拍。

金裕貞喺劇中飾演一個女騙子，而珍榮就係一個精通日語同英語嘅翻譯官，為咗演好呢個角色，珍榮可以話係落足苦工，開拍前睇咗好多外語片當作練習，真正拍攝之後先知道用外語演習真係唔容易。