黃翠如近日去咗馬來西亞拍攝新劇《義和2》，呢套劇係翠如產後第一套接拍嘅劇集，雖然要離開香港開工，不過因為有住喺當地嘅好閨蜜大馬藝人吳天瑜陪伴，所以翠如工作之餘都不愁寂寞。
雖然翠如喺大馬有人陪，不過相信佢最掛住嘅一定係寶貝仔蕭哈哈，好彩近排老公蕭正楠留喺香港拍劇，工作之餘可以抱住阿仔同翠如face time，一家三口可以隔空團聚。
翠如喺社交平台post出同蕭哈哈face time嘅cap圖，兩母子唔知傾緊咩話題，啜住奶嘴嘅蕭哈哈笑得好燦爛，翠如就驚訝到擘大口，另外見到電話另一頭，阿蕭同阿仔兩父子溫馨對望，翠如都忍唔住流露慈母笑容，唔怪得翠如會以「我那一道美麗的風景」來形容啦！
