周國豐喺《中年好聲音》嘅舞台上，不時無表情咁畀出嚴格嘅評語，畀人一種冷冰冰嘅感覺。不過返到屋企，身為兒子嘅周國豐就係一名暖男乖仔，兩母子關係密切，喺10月10號晚上，周國豐透過社交平台發文「她走了，我記得。今晚，離島大蓮姐的故事，翻到終章。她在所有家人的陪伴下，安詳地走了。我會一直記得，直到我們再見的那一天 ⋯⋯ 那時，請你再叫我一聲『細佬』。」
字裡行間流露出周國豐對媽咪嘅不捨之情，其實周國豐不時喺社交平台分享媽咪離島大蓮姐嘅近況，而背後原因係幫患上腦退化症嘅媽咪紀錄生活點滴，寫下《媽媽的記憶》，期間更以媽咪嘅故事出書，亦係佢人生首本著作。
