郭柏姸以「愛眼之星」身份出席頒獎禮，講到視力問題，本身有近800度近視嘅Rosita，深明靈魂之窗嘅重要性，佢話未試過起身一刻望到清晰嘅世界，曾經反思自己是否因為讀書或睇嘢太近，導致近視加深，所以而家都努力檢討自己用眼嘅習慣。
Rosita而家考慮緊做唔做矯視手術，因為太深近視都影響佢日常工作，而隱影眼鏡戴得太耐，又會眼乾，甚至有時眼睛攰到令自己瞓着咗。又試過拍劇時甩咗隱形眼鏡，所以而家會帶定幾副後備喺身，以免影響拍劇進度。Rosita忙於幕前工作同時，今年又開拓自家服裝品牌，所以佢都話要好好學習時間管理，以免令眼睛再受影響。
