TVB台慶劇《璀璨之城》將於10月12日起，逢星期一至五晚上8點半喺翡翠台播出。今晚首播將展開一場豪門家族爭產，劇中四角情仇人物關係複雜、爾虞我詐，尤其係張智霖（Chilam）飾演嘅官孝賢城府極深，連佢喺宣傳片都用「魔」形容呢個角色。
不過喺劇外，一眾演員之間嘅拍攝氣氛非常好，Chilam喺花絮片段中，即使連NG得好自然，仲一本正經繼續演完成段戲，Cut機後仲幽默表示，自己就係會咩都唔理做落去，拍檔高海寧笑得好開心。
至於吳卓羲（Ron）同張曦雯（Kelly）呢一對粉紅泡泡CP嘅互動氣氛更加好，阿Ron喺一場食飯戲，一個餵粥動作已經令Kelly忍唔住笑場，就算唔需要阿Ron餵，Kelly都忍唔到笑，搞到阿Ron都好無奈，話Kelly係自己嘅「低能老婆」。
