新劇《璀璨之城》今晚（12號）首播，劇集喺澳門實景拍攝，故事由 張智霖 同 吳卓羲 兩兄弟爭做集團主席揭開序幕，上演連串權力鬥爭。除咗爭產，劇中愛恨情仇都係吸睛之處。Chilam 同 陳曉華 喺一間特色小屋內上演嘅一幕激烈埋身肉搏，睇到觀眾火辣辣。
myTV SUPER重溫《璀璨之城》豪門家族爭產
Chilam話自己冇特別做準備，而Hera就話自己準備咗信任同勇敢，因為自己未試過，亦係Chilam教識佢用理性處理感性場面，係一個好好嘅學習經驗。而Chilam就話唔係特別需要教，因為Hera好有天分應付好多嘢。
至於會唔會感到尷尬？Chilam同Hera話唔會，喺圍讀時都好清楚，監製都同Hera講過會有激情部分。Chilam更預告，自己只要做壞事都會喺嗰間特色小屋發生，不過就唔可以劇透太多。