郭柏姸（Rosita）喺今個月5號度過咗29歲生日，Rosita正日陪咗家人同睇住自己大嘅長輩食飯慶祝，佢笑言係由朝食到晚。喺圈中獲唔少人愛錫嘅Rosita，生日飯係一餐又一餐，而當中一位當佢女咁錫嘅就係車太江美儀。
美儀姐喺社交平台貼文寫上「今次輪到我同你哋慶祝生日啦」，原來美儀姐一次過為兩位十月生日嘅「愛女」郭柏姸同霍嘉恩慶祝生日，佢話：「每次見到你哋都好開心，你哋真係好可愛。芊芊，祝你生日快樂，生意興隆。嘉恩，祝你生日快樂，身體健康。」
《下流上車族》飾演母女而結緣
美儀姐自從喺2022年台慶劇《下流上車族》同Rosita飾演母女後，兩人就結下不解緣，而當年美儀姐憑此劇問鼎視后，而Rosita亦奪得「飛躍進步女藝員」。
《大灣區美味好玩攻略》短線吃喝玩樂
其後兩人喺《大灣區美味好玩攻略》合作，即使會否喺工作碰面，佢哋兩母女每逢對方生日或喜慶日子一定會相約見面，呢份由友情演變出親情嘅關係的確難能可貴。
