曹越劉曉昆陳俞霏跳唱新歌 挑戰登上管弦樂舞台合作演出

劉曉昆、陳俞霏同曹越一齊以粉紅色配牛仔裝束現身新歌發佈會，獲一眾圈中老友到場支持，三人除咗同粉絲玩遊戲，仲輪流上台獻唱，陳俞霏首唱新歌為大家送上驚喜，不過大家最期待當然係三人以女團形式跳唱嘅新歌。

三人演出越嚟越得心應手，嚟梗佢哋又有一個新挑戰，就係將呢首咁有節拍感嘅新歌，換轉另一個形式演出。

曹越稍後會同三十人組成嘅管弦樂團合作開騷，屆時會將流行曲結合樂團演出，而佢哋三人嘅跳唱新歌，亦會首踏管弦樂嘅舞台演出，陳俞霏都話好期待，劉曉昆會再編排舞步配合重新編曲嘅版本。