蔣祖曼（Joman）為有份參演嘅新劇《璀璨之城》作客電台受訪，劇中張智霖（Chilam）跟唔少女演員有親密場口，但係Joman就緣慳一面。Joman笑言喺劇中成為對方嘅工具人，更自信地表示自己係男神最信任嘅女人。
myTV SUPER重溫《璀璨之城》豪門家族爭產
Joman喺拍劇期間，能夠成日望住男神背影都覺得幸福，加上最近重播經典劇集《十月初五的月光》，令Joman諗起自己同初哥哥喺澳門拍過劇。
myTV SUPER《十月初五的月光》
同不老男神合作，Joman話係好多人夢寐以求嘅事，佢仲讚Chilam喺鏡頭前後都非常專業，即時開工時間長又唔夠瞓，但係一埋位就進入狀態，仲考大家劇本內容，問吓大家覺得佢咁演繹好唔好，佢話Chilam好好人，不時交流演戲心得。
