新晉歌手Aden Chak舉行首個音樂會，並率先為歌迷獻唱新歌《負重人生》。26歲嘅佢係港澳混血兒，早年喺澳洲留學成長，深受澳洲籍母親嘅音樂品味薰陶，自小就鍾意搖滾樂，更加結他不離手，Aden自小就鍾意作曲。
音樂會大唱新歌，Aden亦為大家以band sound演繹多首膾炙人口嘅廣東歌曲。當唱到樂隊MR嘅歌曲時，佢仲邀請特別嘉賓MR嘅結他手Ronny一齊Jam歌令現場氣氛推到高最高。眼見歌迷情緒高漲，Aden更大派福利掀起背心送上一排排的「人肉朱古力」。提到Ronny與Aden相識，Ronny指兩人識於微時，透過網上結緣，當年喺社交平台已經留意到一個成日唔著衫嘅男仔，不停唱同用結他玩MR嘅歌。當時心諗佢仲唱得多過我哋，同埋點解呢個人咁鍾意唔著衫彈結他嘅呢？Aden續說「真係好多謝呢位兄弟，首先公司比我搵人同我一齊玩首新歌，之後我一問Ronny可唔可以合作，佢連合作啲咩都未知就二話不說問我『幾時？』，結果就一齊完成一首大家好滿意嘅作品。」
