張家輝、蒙嘉慧、姜皓文同鍾雪瑩一齊出席主演嘅電影首映禮，家輝繼續發揮搞笑創意，令現場氣氛非常愉快，點知佢同黑哥傾到忘晒形，當Yoyo急於叫佢哋言歸正傳時，就疑似爆粗引起哄動，Yoyo解釋自己個音嘅意思係指被人圈。旁邊嘅家輝都補充好似上次訪問時，Yoyo都將詞語發錯音引起笑話，今次只屬地道文化。
三人對新作都充滿信心，被問到票房報捷有咩計劃答謝觀眾時，家輝就笑言「變折」，佢對電影嘅變折好有信心，因為部戲越嚟越好睇。佢話若果有八千萬票房就投資拍續集，又笑言相約Yoyo兩夫婦同黑哥夫婦「攞跑」，意指攞住海報跑。
新作能夠跟Yoyo以及黑哥相隔多年再度合作，家輝直認拍得好爽好開心，因為大家本身已經好有密契同親切感，而戲中一位係佢老婆、一位係老友，如果大家有份親切感，演出時就更得心應手。
