羅霖Candy 作客《流行都巿》分享近況，同主持人安德尊遇見時話題不斷，兩人仲以先生及小姐嚟互相稱呼，羅霖解釋因為多年前喺一個電視台工作時，大王一見到佢就叫佢小姐你好，於是羅霖突然反應就以先生嚟稱呼大王，兩人一叫就叫足三十幾年。
myTV SUPER重溫《流行都巿 》精彩內容
羅霖雖然已經登六，但無論身材與樣貌都唔似實際年齡，名符其實係美魔女，佢坦言平日都食好多嘢，只係自己好幸運有好多美容公司贊助扮靚，從而令佢慳好多錢，但自身狀態同精神健康必定要好好注重，維生素同自家湯水都唔少得，因為靚係由內而外。
另外，羅霖早前受眼疾困擾，視網膜脫落加飛蚊症，幸好及時醫治後暫時無大礙，但當時都令佢嚇一跳。