TVB熱播劇《璀璨之城》噚晚（14號）播出嘅第三集中，「郭芷媛」陳曉華（Hera）懷有張智霖飾演官孝賢嘅BB，芷媛以為孝賢會娶佢為妻，點知新娘子變成「洪海允」高海寧，而芷媛仲被孝賢弟婦「王雪瑩」張曦雯捉咗去墮胎。
myTV SUPER重溫《璀璨之城》豪門家族爭產
幸好芷媛及時逃脫，但變成另一場不幸嘅上演，芷媛走到孝賢婚禮現場，仲喺婚禮舉行一刻，叫孝賢入新娘房見佢，最後芷媛走上不歸路自殺身亡。
雖然Hera嘅劇情只有短短三集，足以令人同情佢嘅遭遇，突顯孝賢嘅高傲及只問成果不理過程嘅冷血態度。Hera喺社交平台以芷媛角色撰文寫上「如果你仲有少少良知嘅話，唔該你唔好喺我面前出現」，最後一刻聽到嘅說話，好想係一片寧靜，偏偏像單曲循環一樣，重複播放著……
劇中孝賢喺佢絕望時道出嘅「唔該你唔好喺我面前出現」、「唔該你唔好喺我面前出現」，令芷媛極心痛，「我想知點解，點解對我最重視嘅嘢，我哋嘅嘢，咁冷血，一啲感覺都冇，點解」，Hera正正道出芷媛臨死前一刻嘅痛苦同無助感。
