姚瑩瑩早前相約郭峰同姚樂怡見面後，近日佢又再次約郭峰，今次同枱茶聚嘅朋友就多咗幾位前輩，包括劉江、羅樂林、黃日華同韋家雄等。
茶聚後，瑩瑩喺社交平台特別開心分享，話終於有機會同一班好耐冇見嘅前輩聚一聚。餐飯簡直係「回憶殺」，由昔日拍戲趣事講到近況，全程笑過不停！
瑩瑩感謝有呢次咁難得嘅聚會，好開心見到大家都身體健康、精神奕奕，期待下次再約齊人腳再開懷大笑！
姚瑩瑩相約前輩們茶聚 劉江郭峰精神奕奕赴會
