張寶兒（Bowie）跟老公袁偉豪育有一對兒子「袁咕碌」同「袁氹氹」，夫婦悉心照顧仔仔，為佢哋準備最好嘅一切，當中包括居住環境。
自從「袁咕碌」出世時，阿Ben將自己嘅男人天地改造為BB房，由於佢哋原本居住市值超過半億嘅淺水灣豪宅受漏水問題困擾，兩人決定另覓居所，搬去全新複式海景豪宅。
Bowie日前分享喺新居照顧兩位寶貝仔嘅湊仔日常，並曝光咗佢哋兩公婆悉心打造嘅兒童天地，「袁咕碌」同「袁氹氹」嘅兒童房比唔少會所嘅兒童房環境更優越，設備更齊全。
大仔「袁咕碌」早前入讀 Playgroup ，出現坐不定、自言自語及專注力不足等情況，未能適應學校節奏，被老師反映專注力不足，Bowie為其辦理退學，改為喺屋企學習、放慢活動節奏，而阿仔語言學習及表達能力已有明顯提升，可見Bowie付出唔少努力。
片中見兒童房擁有落地玻璃，觀看全海景，採光度非常充足，並且能夠觀賞屋企私人泳池，Bowie亦非常細心，喺兒童房安裝洗手盆，等兩子玩完之後，可以洗手清潔。
