鄺美雲（Cally）身兼多項公職的港區全國人大代表，日前特別抽空出席一個活動，佢擔任該會特邀顧問多年，不遺餘力支持美容業，同場仲有蘇志威及李思捷等。
鄺美雲日理萬機依然明艷照人，透露近兩年都有投資開辦美容院，佢認為美容、美髮係所有人都需要，尤其女士特別需要，即使現在許多行業轉向線上發展或有可能被AI取代，但佢認為美容仍極度依賴「人對人」嘅接觸與互動溫暖感，AI暫時無法取代真人手法。
對於香港前景，鄺美雲充滿信心，認為近年許多港人前往大灣區消費，只要香港提供有優質服務，依然具備極強競爭力。
講到早前鄺美雲喺國慶活動上獻唱，勾起歌迷渴望佢能夠再以歌手身份，再上舞台開演唱會，鄺美雲話上次演出前，要停下其他工作全心全意去練歌，做足演出準備。若真正要再開演唱會，鄺美雲話唔敢考慮，皆因現時公務繁忙，要推動地區文化藝術工作，加上又要打理生意，已忙到不得了，但佢會去支持朋友開演唱會，喺台下打氣，若果換成自己就一啲都唔易，壓力實在好大，所以佢都係退居幕後最好。
