TVB戀愛真人騷《女神配對計劃2》開播以嚟，唔少觀眾追睇一班求愛勇者攻陷女神芳心，尤其「女神」阮嘉敏（Mandy）同吳旭東（東東）呢組CP更獲不少網民喜愛，不時散發粉紅泡泡，唔少網民都想二人譜出戀曲「配對成功」，點知近日傳出東東已返回內地老家！
myTV SUPER重溫新一輯女神求愛歷程https://www.mytvsuper.com/tc/programme/adatewithgoddesssr2_147130
阮嘉敏日前喺社交平台貼出新髮型嘅靚相，一身短髮新造型顯得青春明媚，東東亦立即留言示愛，深情詢問「不知可否有幸成為那個以後給你吹頭髮的人」，網民感受到二人滿滿愛意之際，網民好奇問呢張相係咪東東操刀，點知東東透露目前已回西安，令唔少支持呢對CP嘅網民感到驚訝。
東東呢番話瞬間喺網上引起熱話，有網民稱節目目前仍在錄製，短劇演員東東卻聲稱返回老家，非常擔心東東被女神淘汰，另有網民覺得阮嘉敏唔應該同東東發展，指阮嘉敏平時周身名牌，跟東東經濟實力差距懸殊，有感兩人係唔同世界。究竟二人關係有咩新進展就要留意《女神配對計劃2》啦！
