《中年好聲音4》十強尹景順、許雲妮、鄭家聲、蔡宓婕、吳亦偉、尤淑情、許美琪、周志康、陳旭培同鄭仲豪齊集舞台，舉行一連兩場演唱會，唱將們施展渾身解數，喺台上又唱又跳。
尹景順同鄭家聲重新演繹比賽中嘅大熱歌曲，許雲妮就獻唱劇集片尾曲。同樣有新歌唱嘅仲有許美琪同蔡宓婕，佢哋率先演唱最新合唱歌，除此之外，其他歌手嘅crossover亦好有驚喜。演唱會尾聲，嘉賓鄔友正上台獻唱，以歌聲傳遞勇於追夢嘅正能量。
唱將們少咗比賽嘅壓力，大家話終於可以放鬆心情享受舞台，許美琪好開心能夠跟大部份人互動。許雲妮同樣覺得開心，陳旭培話心情興奮，鄭家聲同周志康異口同聲直認未夠喉，覺得十人同台好似開派對咁。
