林子祥（阿Lam）於2024年迎嚟大孫女林明出世，佢同葉蒨文（Sally）都錫到個孫燶，今年係阿Lam嘅79歲生日，正日當日阿Lam同太太Sally啱啱喺重慶開完巡迴演唱會，更有網民分享咗一條Sally拖住孫女林明。
片中見Sally同老公阿Lam喺保安護送下出現喺酒店出沒，片中林明好可愛跟住Sally行，Sally同阿Lam亦非常親民，不時同途人打招呼。
阿Lam去年78歲生日時，正正同Sally喺紅館開騷，當時林德信（Alex）一家聯同妺妹一齊上台，跟全場爆滿嘅觀眾跟阿Lam慶祝生日，場面既熱鬧又溫馨。
而林德信今日（16號）就分享咗一張抱住大女林明為爹哋阿Lam慶祝12號生日嘅溫馨照，再簡單一句留言「我希望我哋可以同你唱呢首歌！Happy birthday」。
