《女神配對計劃2》經已播出六集，五位女神何沛珈、阮嘉敏、陳若思、俞可程同郭珮文，以及求愛勇者嘅互動，令觀眾睇得好肉緊同投入，嚟緊第七集，節目組一如賽前所言會加入「隱藏女神」元素，而呢兩位女神就係梁超怡同陳星妤。
myTV SUPER重溫新一輯女神求愛歷程
30歲梁超怡有5次拍拖經驗，經已單身咗10個月，而31歲陳星妤同樣5次拍拖經驗，啱啱單身咗4個月，呢兩位「隱藏女神」仲分享擇偶條件，超怡鍾意比較聰明、幽默及細心嘅男仔，而且偏愛鼻高男士。星妤就分享自己嘅戀愛自白：「雖然大家覺得我應該好有自信，但我又唔係真係好有自信，因為有時有啲人都覺得我好難接觸，自己都驚畀人有呢種感覺。」
嚟梗18號晚播出嘅第七集，7位女神同12位求愛勇者會挑戰刺激感嘅主題遊戲，女神們與求愛勇者將經歷一場超近距離嘅「心跳回憶」，整個環節最好玩嘅地方，當約會一開始，製作組會全程追蹤求愛勇者心跳指數，令佢哋嘅心動同緊張程度將無所遁形。
