「長腳蟹」呂慧儀身為單親媽媽，努力工作及照顧仔仔之外，一直不斷自我增值進修，早前以半工讀方式完成牛津大學賽德商學院嘅行政領導課程。
阿蟹日前喺社交平台分享咗坐飛機相片，寫上「商務出行，速去速回」，原來佢此行係去英國嘅劍橋大學，參與一個科技教育峰會，阿蟹隨後再發帖文分享此行內容。
今次峰會集合來自25個國家170位人工智能專家一起參與其中，作為其中一位參與者並且來自香港，阿蟹自言與有榮焉。阿蟹感謝劍橋大學邀請，令佢有機會參與國際學術研討會，喺頂尖學府裡發表自己第一份學術演講，坦言今次旅程實在係難能可貴嘅經驗。
最後，阿蟹話喺各位學者面前演講確實壓力大，但自己相信只要肯努力將勤補拙，每一次困難都係突破自己嘅機會，亦能讓自己技能解鎖。
