吳卓羲同張曦雯喺《璀璨之城》做兩夫妻，延續到現實中戲假情真，甜蜜嘅互動真係紙都包唔住火，兩人仲漏口風已經見過家長。成班演員一齊宣傳時，心情大靚嘅阿Ron又拎起傳媒嘅相機幫演員影靚相，Kelly當然係模特兒之一，點知被Kelly投訴影完啲相冇畀返佢，阿Ron解釋自己開工好專業唔拎手機，所以啲相係借用劇組攝影師相機影。
myTV SUPER重溫《璀璨之城》豪門家族爭產
阿Ron同高海寧趁Kelly去咗沖涼竟然偷情激咀，呢幕無論戲裡戲外都令Kelly睇到火都嚟，日前連其他演員都笑Kelly打爛醋呈。阿Ron解釋投入係因為要配合劇情，事關高Ling喺激咀期間要幫老公偷回郵包，過程唔畀得阿Ron知道。
記招上，劇組更為陳瀅預祝生日，陳瀅喺劇中獻出咗佢嘅性感底線，大騷fit爆身材獲激讚，相信觀眾嘅反應都成為佢嘅生日大禮之一。同樣有激情戲上演嘅陳曉華，表示劇本好好，成個場口具震撼力，雖然佢只得三集戲份，不過頭三集經已好緊湊。
喺官家裡面個個都老謀深算，姜大衞對住張智霖同吳卓羲兩個衰仔，一啲都唔能夠畏縮，反而係要助長佢哋成魔，連陳煒都話John哥角色好變態。
《璀璨之城》星期一至五晚 20:30 翡翠台
