「初哥哥」張智霖（Chilam）作客「Q姨」薛家燕主持嘅電台節目，為熱播劇《璀璨之城》宣傳，早前TVB重播經典神劇《十月初五的月光》，勾起大家嘅集體回憶，家燕姐都好掛住文初，專登叫Chilam要抽時間嚟見面受訪。
煲神劇《十月初五的月光》
講到Chilam喺新劇跟陳曉華嘅火辣情慾戲，家燕姐都有睇到，仲讚Chilam演得好好，問佢係咪事前同老婆靚靚袁詠儀試過戲，俾家燕姐殺個措手不及，Chilam即臉紅話冇，因為自己夠專業。
Chilam自爆拍呢幕戲已經緊張，但估唔到播映時再緊張啲，因為當晚同外父外母，仲有靚靚一齊睇，睇完之後，Chilam發現大家都倒抽一口涼氣。