余安安 、Joe Junior及 彭家麗 呢日出席一個活動，早前不慎整傷腳嘅余安安，好彩康復進度非常好，而家行得走得，除咗可以迎接嚟緊嘅舞台劇演出外，仲可以親赴澳洲出席囡囡嘅婚禮，由於佢要排舞台劇嘅關係，安安姐話唔可以喺當地逗留得太耐，只係去一個星期就會返港。
作為開明嘅媽媽，安安姐就冇催囡囡生小朋友，仲話睇阿女意願，問到佢準備咗啲咩禮物畀對新人？安安姐就話怕被囡囡見到，要保持神秘喇。
啱啱喺內地推出第一張Hi-Fi大碟嘅彭家麗，預告嚟緊將會專注喺內地發展，已經簽咗內地公司，除咗唱歌之外，佢亦會拍多啲短片，等大家知道佢進軍內地。
明年踏入80歲嘅Joe Junior，就預告將會開舉行兩場入行60周年演唱會，仲會請嚟陳欣健、Anders Nelsson及露雲娜做嘉賓。
